Düýn — 25-nji martda çeperçilik gimnastikasy boýunça türkmen ýygyndysy Gruziýanyň Tbilisi şäherinde geçirilýän halkara ýaryşyndaky çykyşyna başlady. Şu gün bolsa olaryň bu abraýly bäsleşikdäki netijeleri belli bolar. Biz olaryň netijelerini ýaryşyň jemlenmegi bilen, gysga wagtyň dowamynda «SalamNews-iň» okyjylaryna ýetireris.
Ýeri gelende bellesek, türkmen ýygyndysyna 7 ýetginjek agzalyk edýär. Aşgabat şäheriniň bedenterbiýe we sport baradaky Baş müdirliginiň 13-nji sport mekdebiniň okuwçylary Weronika Kurdupowa, Sara Gulberdiýewa, Fatima Kambarowa, Mahym Gurbanowa hem-de Aýgül Geldiýewa bu ýaryşyň medallary üçin yhlaslaryny gaýgyrman bäsleşerler. Balkan welaýatyndan bolsa Mähri Pomanowa bilen Aýsen Abdyllaýewa ýaryşar.
Milli gimnastikamyzyň ýaş uçgunjyklaryny özünde jemleýän ýygyndy toparymyza Aşgabat şäheriniň bedenterbiýe we sport baradaky Baş müdirliginiň 13-nji sport mekdebiniň çeperçilik gimnastikasy boýunça tälimçi-mugallymlary Fiza Aýwazowa bilen Dünýägözel Ataniýazowa tälimçilik edýär.
Bu ýaryşda türkmenistanly ýetginjekleriň medallar çemenini baglamagyna garaşylýar.
